Danbiyada ka dhaca dhinaca Internetka ayaa cawli ku socda dunida iyada oo walaac laga qabo xaalad cusub oo arrintaasi ka soo korodhay kadib markii waddanka IIraan lagu qabqabtay kooxo ubadka ku kala iibsanaya dhinaca aaladda xidhiidhka Bulshada ee Instagram.
Saddex nin ayaa lagu qabtay dalka Iiraan iyagoo looga shakiyay inay isku dayayeen inay ku iibiyaan laba cunug barta Instagram.
Taliyaha booliska magaalada Tehran, Brig-Gen Hossein Rahimi, ayaa sheegay in mid ka mid ah carruurtaasi uu jiray 20 maalmood. Halka ka kalena uu jiray laba bilood.
Dhallaankan ayaa hore loogu soo iibsaday $ 500 (£ 400), waxaana lagu sii iibin jiray inta u dhaxaysa $ 2,000 iyo $ 2,500.
Mid ka mid ah dadka la qabtay ayaa la sheegay inuu “caruurta ka keenay qoysaska saboolka ah” isagoo damacsana inuu “u gacan geliyo qoysas siin kara mustaqbal wanaagsan”.
Brig-Gen Rahimi wuxuu u sheegay warbaahinta maxalliga ah in booliiska la soo ogeysiiyay “xayeysiis ku saabsan barta Instagram ee iibinta dhallaanka”.
Askartu waxay ogaadeen “10 ilaa 15 bog oo caynkaas oo kale ah” halka ay sidoo kale heleen labada carruurta ah iyo saddexdi nin ee gadayayna la qabtay, ayuu yidhi. Carruurtii ayaa lagu wareejiyay waaxaha xannaanayta carruuta
Eedeysanayaashu waxay sheegteen inay ilmahan kaga soo iibsadeen qoysaska danyarta ah “lacag yar”, sida uu sheegayo taliyaha guud.
Muuqaal fiidiyow ah oo ay baahiyeen wakaaladda wararka ee kooxda saxafiyiinta ee dhalinyarada, mid ka mid ah ragga ayaa yidhi: “Tani waxay ka caawin laheyd dhallaanka inay helaan mustaqbal wanaagsan.”
Kani ma ahan kiiskii ugu horreeyay oo noociisa ah ee ay ogaadaan masuuliyiinta Iran.
Horraantii sanadkan, booliska gobolka Gorgan ayaa sheegay inay xidheen afar haween ah iyo nin la sheegay inuu raadinayay haweenay uur leh oo faqiir ah, isla markaana uu ka bixiyo qarashaadka cisbitaalka, ka dibna ka qaata carruurta marka ay umusho.
Sanadkii 2016, kuxigeenka Kuxigeenka Arimaha Qoyska iyo Haweenka Shahindokht Molaverdi ayaa walaac ka muujisay waxa ay ku sheegtay “tirada badan” ee hooyooyinka uurka leh ee iibiya ilmahooda.
Waxay sheegtay in haweenka ay ku qasbayso inay sidaas sameeyaan “arrimo badan oo kala duwan”, oo ay ka mid yihiin saboolnimada, qabatinka maandooriyaha, guurka carruurta iyo guri la’aanta.
