Taliye Ku Xigeenkii Ciidaanka Asluubta Somaliland Cabdirahmaan Libaan Fooxle ayaa Caawa Ku Geeriyoodey Cisbitaalka weyn ee Magaalada Hargeisa.
Guddoomiyaha xisbiga mucaaridka ah ee WADDANI ayaa tacsi u diray Taliye Fooxle waxaanu yidhi
INNAA LILLAAHI WA INNAA ILEYHI RAAJICUUN:
Waxa aan tacsi u dirayaa qoyska, ehelada, Ciidanka Qaranka, Ciidanka Asluubta. asxaabta iyo Shacabka JSL geerida ku timid Alle ha u naxariistee Taliye kuxigeenkii Ciidanka Asluubta Jamhuuriyadda Soomaalilaan Sarreeyo Guuto Cabdiraxmaan Liibaan Axmed [Fooxle] oo goor dhaweyd xaqii ugu yimid Magaalada Hargeysa.
Si gaar ah waxa aan tacsi ugu dirayaa dhammaan qoyska reer Liibaan yare, oo uu ka mid yahay Dr Farxaan Liibaan, waxa aan Ilaahay Marxuumka uga baryayaa in uu jannatul firdowsa geeyo, dambigiisana dhaafo, dhammaan qoyskii, eheladii iyo ciidankii uu ka baxayna samir iyo iimaan saadaq ah ka wada siiyo. Aamiin
