Tan iyo bishii Oktoobar, waxaa guud ahaan dalkaasi Ciraaq ka dhacayay dibadbaxyo xooggan oo looga soo horjeedo dowladda dalkaasi. Dadka dibadbaxyada dhigaya ayaa ka koobnaa qeybaha kala duwan ee bulshada dalkaasi. Dhaqan ahaan dalkaasi Ciraaq, ragga ayaa wax kastaa hormuud u noqon jiray balse muddadii ay dibadbaxydani socdeen waxaa la arkayay dumar hormuud ka ah dibadbaxyada.
Si dumarkaasi dibadbaxyada hormuudka ka ahaa loo maamuuso ayaa waxaa sawirradooda lagu xarnay gidaarrada guud ahaan magaalada Baqdaad.
Fagaaraha Taxriir ee ku yaal bartamaha magaalada Baqdaad ee xarunta dalkaasi oo noqotay xarunta dibadbaxyada ayaa sidoo kale noqotay meel dadku ay farshaxankooga ku soo bandhigaan, iyagoo sawirrada dadka hormuudka ka ahaa dibadbaxyadani lagu xardhay meel kastaa oo ka mid ah fagaarahaasi.
Sawirradaasi muujinaya dhiiranaanta iyo kartida haweenka reer Ciraaq ee hormuudka ka ahaa dibadbaxyadaasi ka dhanka ah dowladda ayaa noqday astaanta dhabta ah ee dibadbaxyadaasi
Sawirradaasi oo inta badan ay gacanta ku sameeyaan dumar kale ayaa ka turjumaya doorka muhiimka ah ee dumarka dalkaasi ay ku leeyihiin sidii mustaqbal wanaagsan loogu heli lahaa dalkaasi.
Lahaanshaha sawirkaAFP
Dibadbaxyadaasi iyo sawirradaasi ayaa ku dhiigireliyay dumarka in ay door muhiim ah ku yeeshaan aayaha dalkaasi isla markaana ay baddalaan aragtidii ahayd in dumarku asyan fursad uga bannaaneyn arrimaha mustaqbalka dalkaasi.
Lahaanshaha sawirkaREUTERS
Lahaanshaha sawirkaAFP
Dumarkaasi ka qayb qaadanaya dibadabxyada ayaa dhawr jeer waxaa arrimo amaan awgood u diiday in ay arrimahaasi ku lug yeeshaan waalidiintooda iyo ragga ay u dhexeen, waayo ilaa billowgii dibadbaxyadaasi, ciidamada ammaanka ayaa dilay in kabadan 400 qof balse dumarkani waxay ku sii dhiiradeen in ay ka qeybqaataan dibadbaxyadaasi.
Lahaanshaha sawirkaAFP
Dumarka oo waayadii hore aan wax qadarin ah aan ka heli jirin garabyada siyaasadda dalkaasi, ayaa haatan waxaa dhiirigeliyay jiritaan la’aanta qorshe siyaasadeed oo hagaya dibadbaxyada dalkaasi Ciraaq.
Lahaanshaha sawirkaAFP
Bulshada dalkaasi ayaa rag iyo dumarba qeyb ka ahaa dibadbaxyadaasi looga soo horjeeday dowladda balse xaqiiqada ah in ay haatan wada shaqeynayaan oo ay ka wada shaqeynayaan aayaha dalkaasi ayaa ah arrin muhiimaddeeda leh.
