Seddex ka mid ah quwadaha reer galbedka ayaa Qaramada Midoobay uga digay iney Iran sameysaneyso gantaal ay riddadiisu dheer tahay oo awood u leh inuu qaado Niyukilarka, taasina ay tahay mid ka horimaneyso qaraarki golaha ammaanka ee qaraada midoobay.
Warqad ay si wadajir ah u soo qoreen dalalka Britain, Faransiiska iyo Jarmalka ayaa lagu sheegay iney Iran tijaabisay gantaalka riddada dheer ee baalastika Shahab-3, oo awod u leh inuu qaado hubka Niyuukilarka.
Tallaabbooyinka noocaasi oo ay qaadday Iran waxay sheegeen iney lid ku yihiin qaraarki lagu meel mariyey heshiiski Niyuukilarka Iran ee 2015-kii.
Hase yeeshee Iran eeddaasi loo soo jeediyey waa ay diidday.
Wasiirka arrimaha dibadda Iran Mohamed Javad Zarif wuxuu sheegay warqadda ay waddama ka mid ah quwadaha reer galbeedka ay soo qoreen ‘iney ku qoreen been abuur’ si ay u daboolaan awooddooda aadka u liidata ee gudashada waajibaadka ka saarnaa heshiska Niyuukilarka ee ay galeen.
Javad Zarif✔@JZarif
Latest E3 letter to UNSG on missiles is a desperate falsehood to cover up their miserable incompetence in fulfilling bare minimum of their own #JCPOA obligations
If E3 want a modicum of global credibility, they can begin by exerting sovereignty rather than bowing to US bullying.
Qaraarka golaha ammaanka uu tirsigiisu yahay 2231 “wuxuu ku baaqayaa” Iran iney sameyn wax dhaqdhaqaaq ah oo la xiriira gantaallada balastika ee awoodda u leh iney Niyuukilarka xambaaraan, iyo iney tijaabiso teknooloojiyadaha la xidhiidha gantaalka baalastika.
Iran oo iska indha tireyso cadaadiska uga imanaya reer galbeedka waxay ku adkeysatay baranaamijkeeda Niyuukilarka inuu yahay mid nabadeed, waxayna diidday barnaamijyadeeda gantaallada baalastika ay ka hor imanayaan qaraarka golaha ammaanka.
Warqadda ay waddamada reer galbeedku qoreen waxaa lagu sheegay muuqaalka muujinaya tijaabada gantaalka Shihab-3 uu caddeyn u yahay xadgudubka dhinaca horumarinta taknooloojiyadda gantaallada, sida ay sheegtay wakaaladda wararka ee AP
رسانه نیروهای مسلح ایران@irMilitaryTubeBeautiful shot from Shahab-3 missile
4000px * 2259pxDownload Original File:https://t.me/IranMilitaryTube/35 …#IRGC #IRAN #Missile #shahab3 #موشک #شهاب3 #سپاه_پاسدارن #هوافضا
Dhammaadka Twitter daabacaadda qore @irMilitaryTube
Wakaaladda wararka ee AP waxaa kale oo ay sheegtay in warqadda ay qoreen Britain, Faransiiska iyo Jarmalka ay ku sheegeen seddex tusaale oo ku xad gudbaya qaraarka uu tirsigiisu yahay 2231:
- Tijaabada Shihab-3 ee 24 July
- Tijaabada gantaalka riddada dhexe ee Borken-3, oo ay ku hubeysan yihiin Xuutiyiinta loona maleynayo iney Iran ku hubeyso inkasta oo ay Tehran eeddaasi diidday
- Tijaabada dayax-gacmeedka Safir ee ay Iran hawada sare u dirtay 29 bisha August.
Wasiirka arrimaha dibadda Isra’el, Israel Katz wuxuu soo dhaweeyey warqadda ka soo baxday qaar ka mid ah quwadaha reer galbeedka, wuxuu diblomaasiyiinta Isra’il uu ku amray iney u soo gudbiyaan “liiska xadgudubyada Iran ay u geysatay heshiiska Niyuukilarka” golaha ammaanka qaramada midoobay ee la filayo inuu 19-ka December kaga hadlo arrimaha Iran.
ישראל כ”ץ Israel Katz✔@Israel_katz
France, Germany & the UK to the UN Sec-General: Iran is developing nuclear-capable missiles in breach of the nuclear agreement. The next step must be an effective military threat of a Western-Arab coalition led by the US to deter Iranian aggression. These are critical moments.
Dhammaadka Twitter daabacaadda qore @Israel_katz
Iran waxay bilihi ugu dambeeyey qaadday tallaabooyin xadgudub ku ah heshiiska Niyuukilarka iyada oo jawaab uga dhigeyso go’aanki madaxweynaha Mareykanka Donald Trump uu qaatay sanadki hore oo uu kaga baxay heshiiska Niyuukilarka isla-markaana uu cunaqabateyno hor leh ku saaray Iran.
Mr Trump wuxuu doonayaa in Iran lagu qasbo iney wadahadal cusub ay ka billaawdo barnaamijkeeda Niyuukilarka iyo horumarinta gantaallada baalastika ee ay sameysato. Iran waxay diidday iney wax wada hadal ay gasho ilaa uu Mareykanka cunaqabateynada uu saaray uu ka qadayo.
Ila wareedyo kalana waxay sheegayaan iney qaar ka mid ah mas’uuliyiinta Mareykanka ay sheegeen markaabiita diyaradaha dagaalka qaada in laga howl geliyey gacanka cummaan si ay uga hortagaan gantaallada Iran ee soo gala Yemen.
Hase yeeshee, wasiirka gaashaan dhigga Mareykanka ayaa diiday warbixinta lagu daabacay wargeyska Wall Street ee sheegay in maraakiib dagaal oo kale, qalab ciidan iyo ciidamo ka badan 14,000 loo diray bariga dhexe si ay Iran u weeraraan.
