Nabaddu waa udub dhexaadka kawnkan aynu ku nool nahay, waana tiir haddii la waayo ay dhammaan laamaha kale ee noloshu wada dumayaan. Shareecada Islaamka waxay isku lamaanaysay “Amniga iyo Iimaanka” iyada oo weliba lasoo hor mariyay Amniga. Ilaahay cibaadadiisa oo ah waxa ugu weyn ee Jinka iyo Insiga loo abuuray ayuu ilaahay ag dhigay nabadgalyada iyo degenaanshiiyaha. Taasi ayaa ku cadaynaysa qiimaha ay nabaddu ku leedahay Ilaahay agtiisa. Waakii Nebi Ibraahim (CS) markii uu dhulka barakaysan ee Xaramka u ducaynayay lahaa: “Ilaahayoow dhulkan waxaad ka yeeshaa mid degan oo nabad ah ”
Nabad waarta oo aynu helnaa waxay inooga baahan tahay; isku soo dhaweynta iyo midaynta hab-fikirka bulshada, jihaynta iyo hagidda dadkeena. Umaddu hadaanay helin hogaan horkaca oo hormuud u noqda way iska wada hor iyo daba imanayaan waxaana ku dhacaya kala furfur iyo kala fogaansho ummadeed.
Bulshada Somaliland waxay kasoo gudubtay marxalado kala duwan oo mid walba waayaheeda lahayd, xaalad kastana laga soo qaatay waayo aragnimo iyo casharo nololeed ku filan qofka walba
oosoo joogay iyo cidwalba oo taariikhda dib u dhugatay. Maanta oo laga soo doogay qaxii iyo qalalaasihii aafeeyey dadkeena, dalka intiisa badanna degenaansho iyo nolol wanaagsani ka jirto, maaha in qorigu inoo gooyo waxa aynu tabano ee waa in caqliga lagu baadi doono waxii la tabanayo.
Mustaqbalka jiilka danbe ee dalkan usoo kacaya waxa uu inooga baahan yahay in aynu u wada halgano dhisitaanka ummad midaysan oo han iyo himilo hogaamisa leh. Haddii Aabo yaasheen inagu soo simeen dal xasiloon oo nabad iyo degenaanshiiyo leh, innakuna waa in aynnu ubadkeena u dhisno nolol sareedo leh iyo mustaqbal ifaaya.
Hadaba ilaalinta nabadda iyo wada noolaanshaha umaddu waxay u baahan tahay in guntiga loo wada giijisto, xilna la iska wada saaro dhawridda xasiloonideena iyo dhisidda masiirkeena umadeed. Qof kasta oo reer Somaliland waa in uu ku baraarugsanaadaa in waxa aynu wada leenahay oo ah dalkan (Somaliland) uu ka wayn yahay doonistiisa, wada jirkeena iyo
ummadnimadeena ayaa ka weyn waxa aynu isku hayno. Waatii xigmadda soomaaliyeed ahayd “Nabad baa naas la nuugo leh”.
Maansadda Ansaraar oo ah maanso aan kaga hadlayo nolosheena: waana tan ee dhugasho wacan:
Ø Allahii na abuurayee
ØAbaaraha naga doojayee
ØIbaha caano ka keenayoow
ØAdaan kuu andacoodee
ØDucada iga ajiib.
Ø Ananoow iyo beeniyo
ØAanada iyo qabiilka
ØIblayskaa ku shaqaystee
ØIlaahoow naga saar.
Ø Adduunkaanu ku noolnay
ØAakhiraa ka balaadhane
ØIlaahoow na badbaadi.
Ø Ilaahay baryadiisa
ØIntaa aynu ku dhaafnee
ØAadmigaan la hadlaayoow
ØMidna yaan la ilaawin.
Ø Arwaaxaa dhimanaaya
ØAllah ha u naxariistee
ØAsbaabtaa tan ah mooyee
ØSaacaddaa ka idlaatay
muhiimadda nabad galyadu u leedahay
Ø Oo mawdkaa soo galay Aanoo
ØIblayskaa ka shaqeeyey.
Ø Ibtilaaga dhacaayiyo
ØAnsaraar iyo qaylo
ØAqoontoon fidsanayniyo
ØAafadaa jahligaa leh.
Ø Aadmigaan la hadlaayoow
ØMidna yaan la ilaawin
ØAayaadka Quraankiyo
ØAxaadiista rasuulka (SCW)
ØAllahii inna uumaa
ØKu ilaashay nafteenoo
ØAadmigaa ku badbaadee
ØItibaac la yimaada.
Ø Aadmigaan la hadlaayoow
ØMidna yaan la ilaawin
ØNabadaa arligoo dhan
ØIntifaac u samaysoo
ØAqoontay kobcisaaye
ØAadmigaa hadhsanaaye
ØTaana yaan la ilaawin.
buux0210@gmail.com
