Guddoomiyaha gobolka Maroodijeex ee Xisbiga mucaaridka ah ee WADDANI Mudane, Xuseen Aadan Cadde ayaa markii ugu horraysay ka hadlay Xukunka deg-dega ah ee Madaxweynaha Somaliland ku soo rogay gobolka Sanaag.
Guddoomiye Xuseen Aadan Cadde waxa uu sidoo kale uu sheegay innuu ayidsan yahay Qoddobadii uu ka hadlay Guddoomiyaha Xisbiga WADDANI, gaar ahaan qoddobadii khuseeyay arrimaha doorashooyinka Somaliland, waxaannu shacabka iyo taageerayaasha Xisbiga mucaaridka ah ee WADDANI uu ugu baaqay inaanay aqbalin doorasho laba Xisbi wataan, waxaannu bulshadda reer Somaliland u soo jeeddiyay inay guntaddaan hadalladii uu jeeddiyay guddoomiyaha Xisbiga WADDANI Cabdiraxmaan Maxamed Cabdillaahi (Cirro).
Ugu danbayntii guddoomiyaha gobolka Maroodijeex ee Xisbiga mucaaridka ah ee WADDANI Mudane Xuseen Aadan Cadde waxa Tacsi u diray Ehellada, Ciiddammada qaranka iyo Shacabka Somaliland, isagoo ka Xun dilkii loo gaystay Saraakiishii sida xaqdaradda ah loo dilay, iyagoo gudannaaya Waajibaadkii qaran ee saarnaa, waxaannu shacabka Somaliland meelkasta oo joogaanba ugu baaqay inay Midnimadooda iyo wada-jirkoodda ilaashaddaan.
