hadaba mudooyinkii u danbeeyey waxa soo baxay hotelo ku yaala koonayaasha magaalada kuwaas oo ay habeen kasta ka dhacaan fusuq iyo rabshado ay sabab u tahay heesaha iyo tumashada xaaraanta ah.
Arrintan ayaa keentay in gudaha magaalada burco habeeno badan laga maqlo dhawaaqa rasaasta nool oo lagu kala dareerinayo dhalinyaro ay kulmisay musiga laga shido Hotelka Kaah Ee dhawaan laga furay koonaha dhinaca waqooyi ee magaalada burco.
Waxa doorkii ay lahaayeen gabay culimada iyo maamulka gobolka oo indhaha ka qarsaday dhacdooyinka foosha xun ee soo noqnoqonaya oo burco ka dhigi kara mid dib ugu noqota Qoqobkii dhalinyarada ee dhiigu ku daadan jiray 10 sano ka hor.
Arrimahan ayaa waxa hore loogu samayn jiray qaar ka mid ah hotelada magalada burco balse markii ay ogaadeen inay dhib mooyaane aanay dheef lahayn waxay go’aansadeen in guud ahaanba ay ka tagaan falkaasi xun ee alle ka cadhaysiinaya.
