Qoryaalenews(Boorama):- Maxamkamadda gobolka Awdal ayaa maanta xukun ku ridey weriyayaal ka hawl gala gobolkaasi awdal gaar ahaan magaalo madaxdiisa Boorama. Weriyayaashan ayaa kala ah; Rashiid Maxamed Cabdilaahi Dabshid iyo Axmed Diiriye Ciiltire oo ka labaduba ka kala hawl galaayey Muuqbaahiyaha SBC Somali Tv iyo Kalsan Somali Tv. Labadan weriye ayaa hore loogu soo eedeeyey in ay baahiyeen warar been abuur ah. Labada suxufi ayaa sidoo kale xeer ilaalinta gobolka Awdal ku eedaysay warar Somaliland kasoo horjeeda iyo aflagaado calanka Itoobiya ah.
Guddoomiyaha ururka suxufiyiinta Somaliland Solja Maxamuud Cabdi Xuuto ayaa goor dhaweyd shir jara’id ku qabtey xafiiska ururkaasi waxa u sheegay in ay racfaan ka qaateen isla markaasina uu xukunkaasi yahay mid aan u dhicin si cadaalad ah.
Guddoomiye Xuuto ayaa sidoo kale xukuumadda Somaliland ugu baaqey in xukunkaasi dib loo eego.
Halkan ka daawo muuqaalka Guddoomiyaha Solja oo ka hadlaaya xukunka labada weriye
Qoryaalenews – Hargeysa Desk
