Murrashaxa Xisbiga WADDANI Cabdiraxmaan Cirro oo habeenkii xalay warbaahinta la hadlay ayaa sheegay kulan uu la qaatay komishanka doorashooyinka qaranka , murrashax Cabdiraxmaan cirro wuxuu sheegay in wadahadal u bilowdey xisbiga waddani iyo guddida komishanka doorashooyinka waxaana loo ballamay in la xaliyo cabashooyinkii xisbiga waddani tirsanayey. Waxaan sidaan hore ugu baaqnayba waxaan shacabka iyo taageerayaasha xisbiga waddaniba ugu baaqaynaa inay nabad galyada ilaaliyaan waxa kaloon u sheegaynaa shacabka Somaliland iyo taageerayaasha xisbiga waddaniba in maanta wadahadal u furmay komishanka doorashooyinka qaranka iyo xisbiga waddani si loo xaliyo tabashadii uu xisbiga waddani gudbiyey wadahadalkii koobaad maanta ayaanu yeelanay waanu u gudbinay wixii dareena ama tabasho ah ee aanu qabnay ee aanu u aragnay in xaaladan lagaga bixi karo isqancin iyo dhamaan wixii xisbigu dalbadey dhamaan codeysigan xisbigu gudbiyey waxaanu isugu imanaynaa hadahadal labaad oo aanu ku eegi doono jawaabta komishanka waxaanu taageerayaasga xisbiga waddani ugu baaqaynaa inay naga warsugaan oo xal qanciya xisbiga iyo taageerayaashiisa laga gaadho. Sidoo kale wuxuu murrshaxa xisbiga waddani cabdiraxmaan cirro tacsiyadeeyey dadkii ku dhintay shaqaaqadii habeen hore qaybo ka mid ah dalka ka dhacdey sidoo kalena wuxuu caafimaad ilaahay uga baryey intuu ku dhaawacan tahay rabashadihii habeen hore dalka ka dhacey ee ay dhigeen taageerayaal taabacsan xisbiga waddani
