Qareen u dhashay dalka Belgium ayaa sheegay in uu wakiil ama qareen u noqon doono Mr Puigdemont.
Arrintan ayaa ku soo beegmaysa xilli ay soo baxayeen warar sheegayay in Mr Puigdemont iyo qaar ka mid ah wasiiradii xilka laga qaaday ay isu diyaarinayaan in magangalyo siyasadeed ay dalbadaaan.
Mar sii horeysay ayaa dacwad oogaha guud ee Spain waxa uu ku baaqay in dacwad lagu soo oogo hogaamiyihii Catalonia .
Dacwooyiinka lagu soo ogayo waxaa ka mid ah in uu ku kacay falal mucaaradnimo iyo khiyaano qaran .
Dhanka kale xukuumadda Spain ayaa si toos ah ula wareegaysa qaar ka mid ah laamaha maamulka gobolka Catalonia ka dib markii maamulkii hore shaqada laga cayriyay.
Aftidii ka dhacday gobolka Catalonia ayaa waxa ka dhashay muran xoogan oo ugu dambayntii sababay in la kala diro dowladdii gobolkaasi Catalonia.
Dowlada Spain ayaa ku tilmaamtay aftidasi in ay tahay mid sharci daro ah.
