Kulan xusuus leh ayuu ku qaatay La Rosaleda iyadoo Los Blancos ay ku adkaatay 2-0, waxaana intaas dheer inuu sameeyay badbaadino aan caadi aheyn, haba ugu darnaato inuu dhawr jeer shabaqa ka hor istaagay Sandro Ramirez.
Dhamaadkii ciyaarta, dabaal dag ayaa qabsaday La Rosaleda inkastoo aan koobka lagu gudoonsiin, hadana wareysi uu bixiyay Navas ayuu ku sheegay inuu timahiisa u jaray ballan uu sameeyay kal hore.
“Waxaan ballan qaaday hadii aan ku guuleysano horyaalka inaan u hibeyn doono timaha caruurta lagula tacaalo isbitaalada maalin walba, waxaan halkaan joogaa anigoo timo la’aan ah iyaga ayaana u hibeeyay”
Dhanka kale iyadoo ay jiraan warar xan ah oo Real Madrid la xiriirinayaya David De Gea ayuu hadana goolhayahii hore Levante sameeyay bandhigyo aan caadi aheyn madama uu si wacan uga qeyb qaatay hormarka kooxda, wuxuuna si cad u rajeeyay inuu baaqi kusii ahaado Santiago.
“Sadex sano ayaa iiga haray qandaraaskeyga, kuma fakarin inaan ka tago Real Madrid, ma joojin doono dagaalka, xilli ciyaareedka soo aadanna waan sii wadi doonaa inaan sidaan oo kale sameeyo, waxaan u dagaalami doonaa si k adag sanadkaan”
