Muqdisho(QYN) Guddiga qaban-qaabada doorashada gudoonka aqalka sare ee baarlamanka Soomaaliya ayaa maanta soo gebagebeeyey diiwaan gelinta musharaxiinta isku soo taagay doorashada gudoonka aqalka sare, soona bandhigay Magacyada Xildhibaanadii Isi soo Sharaxay.
Doorashada guddoonka aqalka sare ee baarlamaanka oo la qaban doono 21-ka bishan oo ku beegan maalinta Sabtiga ah ee fooda inagu soo haysa, ayaa waxaa isku soo taagay 16 musharax oo u kala qeybsan guddoomiyaha golaha iyo labadiisa gudoomiye ku-xigeen.
Liiskii ay maanta soo bandhigeen guddiga qaban qaabada doorashada aqalka sare, oo nuqulo ka mid ah ay u qaybiyeen warbaahinta, ayaa lagu soo bandhigay magacyada musharaxiinta iyo sida ay xilalka ugu kala tartami doonaan.
