Qoryaalenews) 29/12/2016/ 
Xidiga xulka qaranka Netherlands iyo kooxda Liverpool ee Georginio Wijnaldum ayaa umuuqda in cadayn ka bixiyay wararkii Liverpool la xidhiidhinayay xidiga ay isku xulka qaranka Netherlands yihiin ee Quincy Promes kaas oo la filayo in uu dhawaan ku soo biiri doono kooxda Klopp ee Reds. Quincy Promes ayaa qaab ciyaareed cajiib ah ku soo badhigay kooxdiisa Spartak Moscow laakiin faalo uu Georginio Wijnaldum ka bixiyay sawirka Promes oo diyaarad saaran ayaa muujisay in xidigani uu Liverpool ku soo jeedo.
Tababare Klopp ayay ka go’an tahay in uu helo xidigii u buuxin lahaa booska Sadio Mane oo dhawaan xulka qarankiisa Senegal uga qayb gali doona koobka qaramada Afrika wuxuuna markii h–e doonayay Julian Draxler oo PSG ay heshiis la gaadhay taas oo keentay in uu dareenkiisa ku soo jeediyo Quincy Promes oo ah xidigan buuxin kara booska Mane.
24 jirkan ree Holland ee Quincy Promes ayaa 4 gool ka soo dhaliyay isla markaana 7 gool caawineed sameeyay kaliya 14 kulan oo uu xili ciyaareedkan ka soo muuqday kooxdiisa Spartak Moscow taas oo Klopp ku qancisay in kooxdiisa uu ka dalbado in 20 milyan oo gini ay xidigan ka soo bixiyaan.
Georginio Wijnaldum iyo Promes ayaa ka soo wada baxay da’yarta xulka qaranka Netherlands wuxuuna u noqon karaa xidig Anfield ku soo dhawayn kara oo ay isa sii garanayaan. Wijnaldum oo suuqii xagaagii ku soo biiray Liverpool ayaa si deg deg ah u saldhigtay Anfield wuxuuna ka mid noqday xidigaha muhiimka ah ee kooxda Klopp.
