Fanaanad Caan Ahayd Oo Goob Fagaare Ah Lagu Toogtay Iyado Bandhig Ku Jirta

Fanaanad Da’yar ah oo u dhalatay dalka Mareykanka, ayaa toogasho lagu dilay xili ay bandhig faneed ku qabaneysay Tiyaatar kuyaala magaalada Orlando ee gobolka Florida. Nin hubeesan ayaa la sheegay in uu gudaha u galay Tiyaatarka uuna halkaasi ku toogtay Fanaanada Christina Grimmie, waxaana maraxa laga qaaday fanaanada oo dhaawac culus qabta, iyadoona ugu dambeyn la xaqiijiyay in ay isbitaalka ku dhimatay.

Christian Grimmie oo 22 jir aheyd, ayaa xiliga la tooganayay soo gabo gabeesay bandhig ay ku qabaneesay tiyaatar kuyaala magaalada Orlando, waxaana rasaastu haleeshay iyada oo taageerayeesha magaceeda u saxiixeesay.’

Ninkii Hubeesnaa ee dilay fanaanada ayaa isna la sheegay in uu goobta isku dilay, walina lama oga sababta ka dabeysa dilkan, waxaana booliiska ay wadaan baaritaan ku aadan waxa sababay dilka Fanaanadan oo kamid ah fanaaniinta dhawaan fanka kusoo biiray.

Christian Grimmie , ayaa Sanadkii 2014-tii kaalin ka gashay tartanka heesha ee loo yaqaan “The voice”. waxa ayna xligaa kadib noqotay fanaanad da’ayar ah oo soo caanabxeysay, waxaana geerideeda aad uga naxay asxaab badan oo taageero u ahaa.