Proff. Axmed Ismaciil Samatar Oo La Kulmay Madaxweyne Siilanyo Iyo Ku-xigeenkiisa.

Proff, Axmed Ismaciil Samatar ayaa kulan xalay la yeeshay Madaxweynaha Somaliland Mud. Axmed Maxamed Siilaanyo iyo Ku-xigeenkiisa Cabdiraxmaan Ismaciil Saylici.

Kulankaas oo ka qabsoomay Qasriga Madaxtooyada ma jirin wax war ah oo ka soo baxay, wuxuuse u muuqday mid Salaan guud iyo is bariidin ku koobna, in kasta oo Axmed Ismaciil Samatar sheegay inuu Saddexda Xisbi Qaran mid ku biiraayo, sidoo kalena wararka qaar la xidhiidhinayeen dhinaca Xisbiga KULMIYE, hadana ma cada in kulanka Madaxweynuhu salka ku hayay shukaaminta hore ee Xisbiga KULMIYE ku xod-xodanaayay Siyaasiyigan macalinka sare ah.

Geesta kale Guddoomiyaha Xisbiga WADANI, Cabdimaan Maxamed Cabdillaahi (Cirro) oo ah Xisbiga ugu weyn Mucaaridka ayaa si kooban u sheegay inay wadahadal Xisbigiisu la furi doono Proff. Samatar.

Kulanka Madaxweynaha iyo Ku-xigeenkiisu la yesheen Axmed Ismaciil Samatar, waxa ku wehelinaayay Wasiirka Hawlaha Guud, Gadiidka iyo Guryaynta Cali Xasan Maxamed (Cali Mareexaan) oo kamid ah Wasiirada fir fircoon ee Xisbiga KULMIYE.