“Lacagta Xuqul Qalinka Heshiiska Dekeddu Waxa Uu Ku Dhacayaa Qasnadda Dawladda” Wasiirka Maaliyadda.

Wasiirka wasaaradda Maaliyadda Jamhuuriyadda Somaliland Marwo  Samsam Cabdi Aadan,  ayaa sheegtay in lacagtii xaqul qalinka ahayd ee  lagu kasbaday heshiiskii xukuumaddu la gashay 9-kii Bishii May shirkadda DP World ee casriyaynta marsadda Berbera ay ku dhacayso qasnadda dawladda.  Wasiirka Maaliyadda oo shalay ay warbaahintu  wax ka waydiisay munaasibad ay lacag  ku  wareejinaysay  xildhibaan C/rakiim  Aw Cali Shabeel, Lacagtaasi oo ay dadka abaartu ku dhacday ee woqooyiga Hargaysa ay u soo direen  haween  ka soo jeedda degaankaasi oo degan dalka Norway oo Wasiirka ku soo hagaajiyay.

“Lacagta dekedda Berbera lagu balaadhinayaa   Xaqul-qalin May ahayn oo la isma siinayo  lacagtaasi iyadoo jeeg  ah  ayaa la dhiibayaa, miisaaniyadda   dawladd ayay ku dhacaysaa.   5 milyan  waxaa  lagu bixinayaa Taagga maraakiibta lagu soo jiido  oo  loo iibinayo  Dekedda Berbera,dekadduna way u baahan tahay illaa laba Taag,”ayay tidhi Marwo Samsam Cabdi Aadan.