Gaboose Oo Ka Hadlaya Warkii La Sheegay In Uu Ku Weeraray Faysal Cali Waraabe Isaga Oo U Hiilinaya Inaadeerkii Cirro Jawaab Uu Iminka Bixiyey (Akhri)
Dr. Maxamed Cabdi Gaboose, ayaa beeniyey in laga soo xogtay hadalo lagu faafiyey shabakado warbaahineed oo badan oo laga leeyahay somaliland kaas oo ku saabsanaa in Dr. Gaboose weerar afka ah ku qaaday shaqsiyada iyo Caafimaadka Gudoomiyaha Xisbiga Ucid Eng Faysal Cali Waraabe
warkan oo lagu shegay in Dr Gaboose waraysi siiyey Wariye Ka tirsan shabakad somaliland laga leeyahay ayaa Dr. gaboose oo shalay la soo xidhiidhay wargeyska Geeska Afrika wuxuu warkaas ku mid been abuur ah oo la sameeyey, isagoo xusay inaanay jirin cid waraysatay iyo goob uu kaga hadlay warkan laga baahiyey waxaana uu yidhi
“Anigu Warkaas ma odhan mana aha Afkaygii. dhaqankayga iyo caadadayda toona maaha inaan hadalo noocaas ah ku hadlo” ayuu yidhi dr gaboose waxaana uu intaas raaciyey
“cida warkaas faafisay waa cid aan aqoon u lahayn saxaafadda oo aan alle ka baqanaynin waayo iyagoon i arag ayey iga been abuureen oo ay soo bandhigeen hadalo aanan waxaan waxaan leeyahay markale anigu hadaladaa ma odhan meel laygu waraystayna ma jirto dadka reer somaliland-na waxaan leeyahay ha akhrisanina oo ha dhagaysanina warbaahinta waxaas faafinaysa”
wuxuu dr gaboose sheegay in cida faafinaysa arimahan noocan oo kale ahi ay u danleeyihiin inay iska horkeenaan dad walaalo ah oo wanaag ka dhaxeeyo
