Hadaba, waatan Maansadii
Xirsi Inuu Halyey Yahay
Madaxweyne Hanankaro
Umaddana Hab socodkiyo
Hanaankeeda Qaranimo
Horseed uu ka noqon karo.
Hogaankeeda Qaban karo
Kama Taagna hadaloo
Hubaalweeye taasiye
Xirsi Cali Xaaji .COM
Hadeerto iyo maantana
Hal-doorka uu la gaasirey
Inta uu habeen iyo
Hadh gadiida iyo duhur
Dalka horumarkiisiyo
U holaday waxqabad culus
Habaar haw yaraadee
Intuu halis waxyeeshiyo
Shiddo kaga hagoogtaye
Duqa ballo ka hayn jirey
Hadal tiro ma fiicne
Inta uu hawlo qaban jirey
Habrro iyo islaamiyo
Haween iyo marlay dumar
Haddii ay yidhaahdeen
Annaga u heegana
Horta qar iska tuuriyo
Hawa beena weeye
Bal halkay wax mariyaan
Had danbaynu faaleyn.
Afartaasi hannadoow
Waa hebel-warkiisiyo
Hal-muceedyadeediisii
Waxsey Heesta Curatiyo
Hawraartu sii tidhi
Xisbigii hoggaanshaha
Waakan haykalkiisii
Hugunkiyo sawaxankiyo
Ka hulaaqay buuquye
Yaa hadimadaa wada?
Oo hay’abadii tirey
Ama Dilay hab-dhaqankii
Horre loogu xilan jirey
Hurinhurin Wasiirii
Intay xilalkii hiifeen
Waatan ay hareeraha
Huudhigii ka daateen
Hor kacaayay odayguye
Mashaqada hureysiyo
Holac iyo dab kaa baxay
Yaa garaadka hodankaa
Ugu hagar-baxaayo
Hawl-yaraan u damin kara
Hadaan been la sheegayn
Halka ay mareysaa
Maaha tay hablaha iyo
Yaqaaneen haweenkuye
Yaa tallo haboono
Hufan keeni kara tallow
Cudur hoosta jirayoo
Muddo huursanaa-baa
Qarxay oo hugmaayee
Yaa hoomaydaa iyo
Hargabkaa daweyn kara?
