Gudoomiyaha Xisbiga Mucaaridka ah ee Wadani islamarkaana ah Gudoomiyaha Golaha Wakiilada Somaliland Cabdiraxmaan Maxamed Cabdilaahi(ciro),ayaa dalka kusoo fool leh kadib markii uu indhawaale, nasasho iyo tashi Siyaasadeed ugu maqnaa Wadanka Finland oo kamid ah Wadanada Yurub ee Bud-dhiga u ah ah halka uu uga soo shidaal qaatey, saaxada Siyaasadeed ee Somaliland.
Gudoomiyaha Xisbiga Mucaaridka ah ee Wadani, Cabdiraxmaan-ciro ayaa lagu wadaa in uu maalinta khamiista ah ee Todobaadkan dalka dib ugu soo laabanto taas, oo xiligan siweyn looga dareemayo Kaadiriyiinta culus iyo taageerayaasha Xisbiga Wadani dhaqdhaqaaqa soo dhaweyntiisa oo ay deyrtan qeyb ka yihiin Xildhibaano Mucaaridka iyo Muxaafidkaba katirsan ee Golaha Wakiilada iyadoo la filayo in labadiisa Kuxigeen ee Shirgudoonka Golaha Wakiilada oo ay in badan ku kala aragti
Xildhibaanada ay mudada badan soo wada joogeen Golaha Wakiilada Somaliland ee uu hogaaminayay Gudoomiye Ciro ee wakhti xaadirkan meesha adag ka jooga Xukuumadii ay ku lamaanaayeen waxa kamid ah Labada Gudoomiye Kuxigeen ee Golaha Wakiilada Baashe Maxamed Faarax, Dr Cali Yuusuf,Xildhibaan Maxamed Xaaji Yuusuf (Waabeeyo),oo katirsan hogaanka Xisbiga Kulmiye kana mid ahaa xubnaha kaadiriyiinta fog ee Xisbigaasi,Xildhibaan Cabdiraxmaan Maxamed Talyanle, oo katirsan hogaanka Kulmiye,Xildhibaan Cabdiraxmaan Cismaan Caalin oo had iyo jeer hormuud ka ahaan jirey mooshinada ka dhanka ahaa Gudoomiye Ciro,Xildhibaan Axmed Nuur Cabdi(Kijaandhe),oo isaguna kamid ah Murashaxiinta sida weyn u saluugsan Xukuumada iyo mowqifkeeda shirka Golaha Dhexe,Xildhibaan Maxamed Cismaan Xasan(Bulqaas),Xildhibaan Cabdiqaadir Jaamac Xaamud,Xildhibaan Maxamuud Guutaale Dhunkaal(Qoor),Xildhibaan Maxamed Cali Xirsi(Obama),Xildhibaan Axmed Maxamed Diiriye(Nacnac),oo kamid ah Xubnaha kaadiriyiinta ugu waaweyn ee Xukuumada iyo Xisbi Xaakimka Kulmiye iyo Xildhibaano kale oo badan oo iyaguna daaha dambe u taagan diidmada Xukuumada ee ka dhanka ah nidaamka loo maamulay Shirka Golaha Dhexe,waxaanay dad badani saadaalinayaan deyrtan in ay suurtagal tahey hadii Shirka Golaha Dhexe ee Xisbiga Kulmiye uu ku meel maro sida Xukuumada iyo Garabka taageersan Gudoomiyaha Xisbiga Kulmiye Muuse Biixi Cabdi murashaxnimadiisa jagada Madaxweyne oo garabka isbaheysiga ee diidani dibada ka joogaan sida muuqata in Xubno badan oo kaadiriyiin ahi u saama jiidanayaan badheedhaha kulaalka Xisbiyada Mucaaridka ah khusuusana Xisbiga Wadani oo dhinaca mucaaridka ugu fadala cadcad maadaama sida dad badani jawigan isbadelka Siyaasaadeed ka faaalinayaan hadii Gudoomiye Ciro hogaamiyaha Golaha iyo Xisbiga Wadani kulanadiisii gaarka ahaa uga faa,ideysto fursadan dildilaaca Xisbi Xaakimka Kulmiye kuna xero gashado Xildhibaanada iyo Siyaasiyiin kaleba.
Gunaanadkii waxa isha lagu hayaa Aragtida Gudoomiye Ciro ka bixiyo soo gurya noqoshadiisa iscasilaadii Wasiirada Xukuumada iyo habdhaca Xukuumadu u wado Shirka Golaha Dhexe ee Xisbiga Kulmiye ku kala qeybsamey,oo uu si kooban uga hadley.
Cabdiraxmaan Nuux Axmed(hiiraan)
